User Rating:  / 0
PoorBest 

మా తాటాకు ఇల్లు చుట్టూ 

గుబురుగా ఎదిగిన చెట్లు 

పూపొదలు మా సరిహద్దు గోడలు 

శీతగాలి తిరిగి ఇంటికి పొమ్మని చెబితే 

ఆటపాటల బాల్యనికి ఆకలి తోడై 

పరుగు లంఘించి ఇంటి ముఖం పట్టాను 

 

ఇల్లు కనిపించగానే

పైకి లేస్తున్న పొగ పైబడింది చూపు

లోపలికి వెళితే 

మా నాయనమ్మ అన్నం వండుతోంది

ఆరుబయట పొయ్యి, ఊదు గొట్టం చేసే వింత చప్పుళ్ళు!

 

ఆ దృశ్యం...అలానే దాగిపోయింది మదిలో 

ఆ వాతావరణంను ఇప్పటికీ అనుభవించగలను.

కానీ

ఆ భద్రతా భావన ఇప్పుడు కొరవడిందనే ఎరుక 

ఆ ఆకలికున్న రుచి ఇప్పుడు లేదని కినుక 

 

పొగమంచు కమ్ముతుంటే 

పొగలోంచి మంట లేచి 

చలికాచుకోమని ఆహ్వానం 

కాదు వేన్నీళ్ళ స్నానం ముఖ్యమని 

శాసించే నానమ్మ స్వరం 

 

బండపచ్చడి చేయడానికి  సిద్ధమై  

నన్ను త్వరపరచే చిన్న నాయనమ్మ 

స్నానం ముగించగానే 

వాకలి లో పాన్పు సిద్ధం 

సేదతీరి భోజనానికి సమాయత్తం 

 

రాత్రిలో కలసిపోయిన సుఖం 

ఆత్రంగా దాచుకున్న గతం !!

***** 

Add comment

* Please use the forum for healthy discussions.
* Comments should be in-line with the subject matter
* Please refrain from comments of abusive, vulgar, derogatory, racist, sexist nature.


Security code
Refresh