User Rating:  / 1
PoorBest 

 

నవ్వరా నాన్నా ! నవ్వు

నవ్వరా కన్నా ! నవ్వు 

నవ్వరా చిట్టీ ! నవ్వు 

నవ్వరా బుజ్జీ ! నవ్వు 

మనసారా నవ్వు , 

ఎంతసేపైనా నవ్వు ,

ఏ సమయంలోనైనా నవ్వు ,

అలసిపోయేవరకూ నవ్వు ,

హాయిగా నవ్వు ,

ఆనందంగా నవ్వు . 

ఉష్ !నీకో రహస్యం చెప్పనా ?

నిను కవ్వించి , నవ్వించిన 

నీ తల్లిదండ్రులే నీ నవ్వును 

నీకు  చేస్తారు....  దూరం !

నీ నవ్వులను ఇక రెండేళ్ళలో 

పంపించేస్తారు...సుదూరం !

K.G  నుండి  P.G  వరకూ 

గ్రేడులు , ర్యాంకులు ఏవేవంటూ 

రుసరుసలాడుతూ ఉంటారు ,

బుసలు కొడుతూ చూస్తారు . 

సినిమా , సరదాలన్నావో!

సాధించిందేమిటి ? అంటారు .

 ఆదివారం అన్నావో !

అందరూ .. చూడు .. అంటారు . 

జ్వరమో , జలుబో వస్తేను 

టాబ్లెట్ వేసి ,స్వెట్టర్ వేసి ,

చేతికి పుస్తకం ఇస్తారు . 

నిద్దరపోతే తట్టి లేపి ,

గత మార్కులను  చూపెడతారు .

టి . వి  , నెట్ అన్నావో !

నివ్వెరపోతూ...చూస్తారు . 

ఆటలు ,పాటలు అన్నావో !

హవ్వ ... హవ్వ ... అంటారు .

విందులు ,వినోదాలు అన్నావో !

విస్తుపోతూ...చూస్తారు .

సమయం పోతే రాదంటూ ,

చెవిలో రొదలే పెడతారు . 

కాలం విలువ తెలిపేస్తూ ,

కటువుగా ప్రవర్తిస్తారు . 

ఎందుకిలా ? అన్నావో !

అంతా...నీకొరకంటారు . 

ఇంక అప్పుడేం నవ్వుతావ్ ?

ఎలా నవ్వగలుగుతావ్ ?

 

అందుకే...అందుకే  ...

 అందుకే నాన్నా ! ఇప్పుడే 

మనసారా నవ్వు ...హాయిగా నవ్వు ... 

 *******

Comments   

 
+1 #2 మనసారా నవ్వు..హాయిగా నవ్వు! Syamala Kallury 2013-12-11 03:29
this poem
Quote
 
 
+1 #1 మనసారా నవ్వు..హాయిగా నవ్వు! Syamala Kallury 2013-12-11 03:28
THe oem reflects the hopelessness of the situation. Is anyone listening?
Quote
 

Add comment

* Please use the forum for healthy discussions.
* Comments should be in-line with the subject matter
* Please refrain from comments of abusive, vulgar, derogatory, racist, sexist nature.


Security code
Refresh