User Rating:  / 1
PoorBest 

చందమామ తెచ్చెనమ్మ చందనాల వెన్నెలలు

వెన్నెలల చందనాల హత్తుకున్న బొమ్మలు

 

అవి ఎవ్వరివమ్మా? అవి ఎవ్వరివమ్మా?                             ||చందమామ || 

మిత్రులను వెక్కిరించి, అన్నయ్యను గోకి           

పొన్నచెట్టు కొమ్మలలో దాగినాడు క్రిష్ణుడు         

పొదరిళ్ళలోన నక్కినక్కి నవ్వేటి క్రిష్ణుని                                             

తనివితీర చూడాలని తహతహలా జాబిలికి                             ||చందమామ || 

 

"అల్లరి మానాలంటూ" ఆకతాయి క్రిష్ణుని                    

తల్లి జనని యశోదమ్మ తర్జనిని చూపించి                     

రేపల్లెల గోపెమ్మల కొంగులందు దోబూచి       

ఆటలాడ తనతోటి తహతహలు జాబిల్లికి                             ||చందమామ || 

 

 

యమున అలల నేస్తాలతొ, ఈదులాటలో నేర్పరి            

నీలినీలి కెరటాలలొ కాళీయుని వేదిక పై   

రస తాండవమాడేటీ నీలమోహన కృష్ణుని                                  

తనివితీర చూడాలని తహతహలు జాబిల్లికి                              ||చందమామ || 

Add comment

* Please use the forum for healthy discussions.
* Comments should be in-line with the subject matter
* Please refrain from comments of abusive, vulgar, derogatory, racist, sexist nature.


Security code
Refresh